*_टाच मारूनं घोड्याला..._*
*मित्रांनो, परवा दिवशी म्हणजे पाच जानेवारीला दुपारी, अनेक पारंपारिक संगीत प्रेमींना कमालीचे उत्सुकत बनवलेले, #टाच_मारूनं_घोड्याला' हे खंडोबाचे लोकगीत,* https://youtube.com/channel/UCqmEiV9yielRAzNEyRfXrYQ
*या यूट्यूब चॅनेलसह जिओ सावन, ॲमेझॉन म्युझिक, स्पॉटीफाय, ॲपल म्युझिक, आयट्यून यांसारख्या 150 हूनही अधिक डिजिटल प्लॅटफॉर्म्सवर रिलीज झाले.*
*अपेक्षेप्रमाणेच लाइक्स, कमेंट्स आणि शेअरिंगचा पाऊस पडला. तासाभरातच काही हजार व्ह्यूज मिळाले. दिड दिवसात तब्बल पन्नास हजार व्ह्यूज मिळाले!! गीतकार विशाल भोसले आणि कल्याण उगले यांनी शब्दबद्ध केलेलं हे गीत, संगीतबद्ध केलंय लक्ष्मण भोसले यांनी तर गायलय शाहीर रामानंद उगले व लक्ष्मण भोसले यांनी. कोरस सुरेल तर आहेच परंतु सुंदरही आहे!! गीताची निर्मिती निखिल माने यांच्या एन एम प्रोडक्शनने केली आहे.*
*रिलीज झाल्याबरोबर मी ते बऱ्याचदा ऐकले. खरोखरच खूपच छान बनले आहे. गाण्याची सुरुवातच खूप छान झालेली आहे. गीताचे संगीत गझल कव्वाली मेलोडी प्रकारचे आहे अर्थात मुख्य बाज हा लोकसंगीताचाच आहे परंतु ऐकताना ज्याला आपण फ्यूजन म्हणतो त्याचा प्रत्यय येतो. नेहमी प्रमाणेच रामानंदचा आवाज तर छान आहेच आहे परंतु गीतामध्ये त्याच्या आवाजापेक्षा त्याचा अभिनय आणि चेहऱ्यावरील हावभाव जास्त भाव खाऊन जातात!! नवोदित गायक लक्ष्मण भोसलेंचा आवाज देखील खूप गोड आहे परंतु आत्मविश्वासाच्या बाबतीमध्ये आणि चेहऱ्यावरील हावभावाच्या बाबतीमध्ये अजून त्यांना शिकण्याची आवश्यकता जाणवते. अनुभवांची उणिवा दुर होतील आणि रामानंद प्रमाणेच तेही नावारूपाला येतील यात शंका नाही कारण क्षमता व योग्य सहवास असला की माणुस नावारूपाला येतोच येतो.* ✌
*गीताची रचना अध्यात्म शास्त्राला धरून आहे. गाण्याची लांबी खूप जास्त नसल्यामुळे ते रटाळवाणे वाटत नाही. उलट माफक लांबीमुळे प्रवाही वाटते. उत्साहित करते, खुष करते. मला वाटतं ख-या अर्थाने या गीताला अधिक गोड बनवतेय ती यातील सांगितिक वैविध्यता! पारंपारिक लोक संगीतातील वाद्ये या गीताला अधिक मधुर बनवतात. ढोलकी, दिमडी, हार्मोनियम, राजेंद्र साळुंखेंची शहनाई आणि खास करून प्रथमेश मोरे यांच्या सेक्सोफोन व क्लारनेटने गीताच्या गोडव्यात खूपच मोलाची भर टाकली आहे. असे असले तरी गीतामध्ये संबळाची उणीव जाणवतेच!*
*सूर ताल लय यांच्या बाबतीमध्ये बोलण्याची आवश्यकताच नाही कारण ज्या टीमचे गुरु शाहीर आप्पासाहेब उगले असतील तिच्या सादरीकरणात सूर ताल लय यांची उणीव असूच शकत नाही. लक्ष्मण भोसलेंचे संगीत, दर्शन पेडगावकरांचे संयोजन मस्तच झालेय👌 कल्याण, विशाल, रामानंद या उगले बांधवांसोबत लक्ष्मण आणि विशाल भोसले बंधु आल्याने, तीन आणि दोन पाच झाले!! पाचाचे महत्त्व सर्वच जाणतात!*
*गीतातील व्हिज्युअल्स खूप छान आहेत. व्हिज्युअल्सच्या किंवा संगीताच्या बाबतीमध्ये कुठेही कॉपी केलेली नाही, त्यामुळे कुठेही कॉपीराइट ॲक्टचे उल्लंघन होत नाही. इलेक्ट्रॉनिक संगीत वाद्य नसल्याने शुद्ध लोकसंगीताचा आनंद हे गीत देऊन जाते व ते पुन्हा पुन्हा ऐकावेसे वाटते. त्यातही जर ते इअर फोन लावून किंवा होम थेटर अथवा कार स्पीकर्स वर ऐकले तर अधिक सुरेल वाटते, ना केवळ मान डोलवायला तर अगदी नाचायलाही भाग पाडते!! चेह-यावर स्मित हास्य आणते. त्यामुळे तुम्हीही हे गीत..* https://youtu.be/V2M_1LzwKbg
*नक्की ऐका आणि इतरांनाही ऐकवा.*👍
*मला व्यक्तिशः वाटतं... हे गीत ना केवळ जास्त ऐकले जाईल, तर जास्त दिवसही ऐकले जाईल, कंटाळवाणे होणार नाही. त्यामुळे एक सुंदर गीत तयार केल्याबद्दल रामानंद उगले आणि त्यांच्या संपूर्ण टीमचे खूप खूप अभिनंदन आणि पुढील वाटचालीसाठी खुप सार्‍या शुभेच्छा.*💐👏👏👏👏
बाळासाहेब धुमाळ.
9421863725
