भटके विमुक्त व आर्थिक निकषांवर आरक्षणः

भटके विमुक्त व आर्थिक निकषांवर आरक्षणः

सद्ध्या राज्यात व देशात आर्थिक निकषावर आरक्षण असावे असा सुर उठत आहे. अशा प्रकारच्या आरक्षणाची राज्यघटनेत बाबासाहेबांनी तरतुद केलेली नाही किंवा हे असे आरक्षण सर्वोच्च न्यायालयात टिकुच शकत नाही या मुद्द्यांकडे मला जायचेच नाही.

राहीला प्रश्न आर्थिक निकषावर आरक्षणाला आम्हा भटक्या विमुक्तांचा पाठींबा असेल की विरोध? निसंशय या देशातील सर्वात दरिद्री घटक आम्हीच आहोत. हा प्रथम क्रमांक आमच्यासाठी भुषण नसुन दुर्दैव आहे. त्यामुळे आमच्या विरोधाचा प्रश्नच येत नाही. पण.....

पण मला एका मुद्द्याकडे सर्वांचं लक्ष वेधायचय मित्रांनो की आम्हाला १०००% विश्वास आहे की आम्ही आमचं अठरा विश्व दारिद्रय सिद्धच करू शकणार नाहीत आणि श्रीमंत व ताकदवानांचं दारिद्र्य लपुन राहुच शकणार नाही😓 त्यामुळे आम्ही आहोतच खड्ड्यात पुन्हा पाताळातच जाणार😓

पण आम्ही काही करू शकत नाहीत. ओरडू शकतोत पण कोणी ऐकणारच नाही. आम्ही रडू शकतो पण आमचे आश्रु कोणाला दिसुच शकत नाहीत😓 त्यामुळे पुन्हा एकदा आमच्या नशीबी दारिद्रय, दहशत, हेटाळणी, अन्याय, अत्याचार आणि हतबलता😓

बाळासाहेब धुमाळ
मो. 9673945092.